(In memoria ai caduti per il Regno delle due Sicilie,
Patria, Madre e Vita di molte persone
scacciate, trucidate e uccise dagli invasori piemontesi
guidati dal grande Carnefice... Garibaldi )

Avimmo pusato chitarre e tammuro
pecchè sta musica s'addà cagnà
simme brigante e facimme paura
e c'a scuppetta vulimme cantà.

E mò cantamme sta nova canzona
tutta 'a gente se l'adda 'mbarà
"nuje cumbattimme pe'o rre Burbone
'a terra è 'a nosta e nun s'adda tuccà.

Tutt' e paise da Baselecata
se sò scetate e vonno luttà
pure 'a Calabria s'è arrevotata
e stu nemico facimme tremmà.

Chi ha visto 'o lupo e s'è mmiso appaura
nun sape buono qual è 'a verità
'o vero lupo ca magna 'e criature
è 'o piemuntese c'avimma caccià.

Femmene belle ca date lu core
si lu brigante vulite salvà
nunn'ho cercate scurdateve 'o nomme
chi ce fa 'a guerra nun tene pietà.

Ommo se nasce, brigante se more
ma fino all'ultemo avimma sparà
e si murimme menate nu sciore
e na preghiera pe sta libertà.